VASTAOVEND in MOELEGE
Op de gala-zitting van zaoterdeg 9 feberwari is Jean-Marie Hessel geproclameerd tot 46ste souverein van het Djimmerlaand Moelege mèt de aansprèèktitel PREENS JEAN-MARIE IV. He hèèt aansjlutend zing vreundin LAURENCE beneumd tot zing Hofdame.
In naovolging van de groete raod hebbe ooch de Djimmerkes aafgelaope zoondeg op hun zitting hun nowwe Jeugdpreens JORDY I oetgerope tot 36te hoeglustighèèd van de jeugd.
Met dies eminensies zien de Djimmers en Djimmerkes klaor om mèt Vastaovend Moelege 3 daag op z’nne kop te ziete
VRIEDEG-NAOMIDDEG om twie oor vertrèkt der KEENDEROPTOCHT op de plei met de kleuters, der klenge- en der groete Raod van Elf. Der shaoldwag van de kleuters wjurd aafgeslwote mèt carnavalsspas in der Koostaal op der Dreesh.
VRIEDEG-AOVEND kwomme tradisioneel wer alle aw wiever biejèèn vjur de AWWIEVERBAL in der Koostaal. De origineelst verklejde met e masker op wjerde dwor een jury um 11 nao 11 verkwoze tot de “shoenste verklejde van het jaor”.
Dieze kier beloene vjer ooch der origineelst verklejde zoonder masker.
Alle verkleijde wjerde dwor preens JEAN-MARIE IV getrakteerd en de allershoenste kriege van Ziene Hoeglustighèèd ’n flesh lekkers.
Ooch bie de jeugd min -14 jaor wjurd dies kier de origineelst verklejde wer beloend. Vreug gelierd is aat gedwon, of nèèt?
CARNAVALSOPTOCHT in MOELEGE
Op VERLWORE MAONDEG trekt der 46ste CARNAVALSOPTOCHT oet.
Dèè vertrèkt ooch diet jaor wer um twie oor op der Schaanswjeg en trèkt da van der Weenkel dwor de Deurpsstraot, de Bijs en de Roezestraot via de Mescherstraot nao der Batticerwjeg en der Voerewjeg um zoe dwor de deurpsstraot teruk nao der Dreesh te gwon en aan der Koostaal te ontbeende.
Nao der optocht gèèt de spas weijer in DER KOOSTAAL en ’s aovends slute vjur der dwag aaf mèt ‘n groet MOMMEBAL geanimeerd dwor D.J. JEAN-PIERRE en D.J. MARCO.
Der entree is al die daag gratis, der draank ès gaaroet neet deur en catering is vjurzien.
De Djimmers mèt hun Preens JEAN-MARIE IV & Hofdame LAURENCE en de Djimmerkes met Jeugdpreens JORDY I weenshe eederèèn in het Etalagelaand hiel fing daag mèt Vastaovend en vjuraal hiel veul spas.
ALAAF! ALAAF! ALAAF!
Djimmerschlager 2019
Tijdens de carnavalszitting werd de nieuwe Djimmerschlager ‘Vjur vere carnaval’ gepresenteerd.
Een compositie van Robert Dodemont, Jean-Marie Schyns en Michel Flamand.
Ingezongen door het Djimmerkoor en met dank aan DG Djimmers voor choreografie.
